١. تواصل ويانا
أسرع طريقة: راسلنا بالواتساب. اكتب اسم حسابك ووصف المشكلة، وإذا تكدر دز صورة للشاشة.
أو من داخل التطبيق: افتح القائمة (الثلاث خطوط) ← «رأيك يهمنا» ← اكتب رسالتك وتكدر ترفق لحد ٣ صور. توصلنا فوراً مع اسم حسابك ورقمك، وهاي أسهل طريقة حتى نرد عليك بالضبط.
- واتساب: 964 774 152 8905
- أوقات الرد: كل يوم، ١٠ صباحاً – ١٠ مساءً بتوقيت بغداد
٢. البطاقة ما تشتغل عند اللمس
جرّب هذي بالترتيب:
- قرّب البطاقة من أعلى ظهر الهاتف (هناك يكون هوائي NFC بالآيفون)، وثبّتها ثانية أو ثانيتين.
- شيل الكفر إذا كان سميك أو بيه معدن أو مغناطيس.
- تأكد إنك كتبت الرابط على البطاقة من التطبيق: تبويب «اكتب» ← «اكتب على منتجك».
- إذا الشاشة مقفلة أو الهاتف مطفي، NFC ما يشتغل — فتّح الشاشة وجرّب مرة ثانية.
- بأجهزة أندرويد، تأكد إن NFC مفعّل من الإعدادات.
إذا بعدها ما اشتغلت، راسلنا بالواتساب ونستبدل البطاقة إذا كانت معطوبة.
٣. الحساب وكلمة المرور
الحساب مربوط برقم هاتفك. إذا نسيت كلمة المرور، راسلنا بالواتساب من نفس الرقم المسجّل ونساعدك ترجع لحسابك.
تكدر تحذف حسابك وكل بياناتك في أي وقت — من داخل التطبيق (القائمة ← حذف حسابي) أو من هذا الرابط:
٤. تعديل صفحتك
كل التعديلات من التطبيق، وتظهر فوراً على صفحتك العامة بدون ما تحتاج تكتب البطاقة مرة ثانية — الرابط نفسه ما يتغير.
- تكدر تغيّر صورتك، الغلاف، النبذة، والروابط وترتيبها.
- لغة التطبيق هي نفسها لغة صفحتك العامة — إذا غيّرت لغة التطبيق، تتغير لغة صفحتك لكل من يفتح رابطك.
- لا تنسى تضغط «حفظ التغييرات» بعد التعديل.
٥. الطلبات والتوصيل
نبيع داخل العراق بالدفع عند الاستلام. للطلب أو للسؤال عن حالة طلبك، راسلنا بالواتساب.
تفاصيل الشروط والخصوصية: شروط الخدمة · Privacy